Apnay Sard Kamray Main


Apnay Sard Kamray Main
Main Udaas Bethi Hoon

Neem-Wa-Dareechon Say…
Num Hawaein Aati Hain

Kaash Merey Parr Hotay
Terey Paass Urr Aati

Kaash Main Hawaa Hoti
Tujh Ko Chhuu Kay Laut Aaati

Main Nahi Magar Kuch Bhi?!!
Sung Dil Rawajon Kay

Aahni Hisaron Main
Umarr Qaid Ki Mulzim

Sirf Aik Larki Hoon?!!!

Wo bachpan ki shararat


Usay meri Wo bachpan ki shararat yaad aa jaye.
Sabhi kuch bhol b jaye mohabbat yaad aa jaye.

Usay pojaa usay chaha usay maanga b hai hum ne.
Meri sachi mohabat ki ibaadat yaad aa jaye.

Kisi k payar ki khatir ye hum ne dushmani ki thi.
Usay meri zamanay se baghawat yaad aa jaye.

Humain Wo bhol hi baitha najanay kis tarha Logo.
Khudaara ab usay meri shikayat yaad aa jaye.

Humain wo jaan se piyara usay maaloom hi kab hai.
Meri pehli mohabat ki inaayat yaad aa jaye.

Usay main payar karta hon us pay jaan daita hun.
Ab usay meri ye sakhaawat yaad jaye.

Kamry Mein Hai Bikhra Hua Saaman Waghera


Kamry Mein Hai Bikhra Hua Saaman Waghera,
Khatt, Khuwab, Kitaaben, Gul-o-Guldaan Waghera,

In Mein Se Koi Hijar Mein Emdaad Ko Aaye,
Jinn, Dev, Pari, Khizar, Ya Luqman Waghera,

Tu Aaye To Gatthri Mein Tujhe Baandh K De Don,
Dil, Jaan, Nazar, Soch, Ye Emaan Waghera,

Bs Eshq K Murshid Se Zara Khaufzada Hun,
Jheela Hai Bohat Waisy To Nuqsan Waghera...!!!

Mohabbat Se Inaayat Se


Mohabbat Se, Inaayat Se, Wafa Se, Chot Lagti Hai,
Bikhartaa Phool Hun, Mujh Ko, Hawaa Se, Chot Lagti Hai ... !


Meri Aankhon Mein, Aansu Ki Tarah, Eik Raat Aa Jaao,
Takalluf Se, Banaawat Se, Adaa Se, Chot Lagti Hai ... !!

Main Shabnam Ki, Zabaan Se, Phool Ki, Aawaz Sunta Hoon,
Ajab Ahsaas Hai, Apni Sadaa Se, Chot Lagti Hai ... !!!

Tujhe Khud, Apni Majboori Kaa, Andaaza Nahin Shaayad,
Na Kar Ahad-E-Wafa, Ahad-E-Wafa Se, Chot Lagti Hai ...